Кога ќе се фати ритамот на спиење на бебето, после се е лесно, тврди Поли Мур, директорка на Центарот за истражување на спиењето во Сан Диего. Родителите ненаспиеноста на бебето понекогаш ја поистоветуваат со лошиот карактер, но д-р Мур тврди дека тоа не е точно, бидејќи е утврдена врска помеѓу хроничната ненаспиеност и пореметување на вниманието.
Таа ги советува младите мајки како да постапат во овој случај.
Најдобар момент за успивање на бебе помладо од три месеци е 90 минути по последното будење.
Новороденчето тогаш губи внимание, гледа во далечина, испушта поинакви тонови. Ако тогаш не сте во можност да му обезбедите спиење, подоцна потешко ќе заспие и полошо ќе спие.
Кога внатрешниот часовник на бебето ќе се поремети, може да се случи после да се буди по само 10 минути спиење, нервозно, па родителите не знаат што да прават.
