БРИТАНСКО ИСТРЖУВАЊЕ: Безбедно е истовремено да се примат вакцини против грип и корона

“Ова е навистина позитивен чекор што би можел да значи многу за оние на кои им се потребни двете вакцини“, вели авторката на студијата Рајека Лазарус.

Луѓето можат безбедно истовремено да примат вакцина против коронавирус и вакцина против грип и тоа не влијае негативно на имунолошкиот одговор што ја предизвикало едната или другата вакцина, покажало британско истражување објавено кон крајот на минатата недела.

Британија и други земји се подготвуваат за тешка зима и можност за пораст на бројот на случаи на грип со ублажување на ограничувањата воведени во борба против коронавирусот и со иблажување на мерките за социјално дистанцирање.

Дополните дози вакцина против коронавирусот, дега во Велика Британија примаат повозраснте и ранливитр категории лица, како и здравствените работници, а тамошната влада вети и најголема програма за вакцинирање против грип во историјата на земјата.

Студијата, предводена од Универзитетот во Бристол, открила дека пријавените несакани ефекти обично биле благи до умерени во испитувањата со три вакцини против грип и давање на две вакцини против коронавирус.

“Ова е навистина позитивен чекор што би можел да значи многу за оние на кои им се потребни двете вакцини“, вели авторката на студијата Рајека Лазарус.

“Резултатите од оваа студија беа презентирани на Заедничкиот комитет за вакцинација и имунизација (JCVI) за разгледување и ќе им помогнат на креаторите на политиките во планирањето на иднината на овие важни програми за вакцинација“.

Вакцините им биле дадени на испитаниците во ист ден во различни раце.

Едната група примила вакцина против коронавирус и грип при првата посета на лекар,  плацебо им била дадена при втората посета, а другата група примила вакцина против коронавирус и плацебо при првата посета, по што следела вакцина против грип на вториот ден.

Студијата покажала дека 97 проценти од учесниците изјавиле дека во  иднина своеволно би ги примиле двете вакцини одеднаш.

Студијата опфатила 679 доброволци на 12 локации низ Англија и Велс.

Комплетните резултати од студијата ќе бидат објавени во медицинското списание „Лансет“.