Пациентите со КОВИД-19 кои имаат бубрежна болест или чии бубрег е оштетен од коронавирусот SARS-CoV-2, имаат многу поголем ризик од смрт од таа болест, укажува ново истражување.
Откриено е дека дури и пациентите кои имале помалку сериозна бубрежна болест, како и пациенитите чија болест на бубрезите била предизвикана од новиот коронавирус, имале поголема стапка на смртност, во споредба со оние без болести на бубрезите.
Истовремено се покажало дека КОВИД-19 може да предизвика хронични проблеми со бубрезите, кај оние лица кои ќе се опорават од оваа болест.
Резултатите од оваа студија укажуваат дека бубрежната болест и затајувањето на бубрезите кај критично болните пациенти со КОВИД-19 се чести и поврзани со висока смртност.
Меѓутоа, треба да се истакне дека постојат битни разлики помеѓу стадиумот на акутната и хронична болест на бубрезите во тоа како влијаат на смртноста кај пациентите со КОВИД-19, а пациентите на кои им е трансплантиран бубрег се исклучително ранлива категорија.
Поради тоа, лекарите треба да обрнат посебно внимание на пациентите со КОВИД-19 со било каква форма на бубрежна болест или оштетувања, истакнуваат стручњаците.
