Новите случаи на заболени од коронавирус во САД сега се во просек 15 години помлади од пациентите кои се разболуваа во раните фази на пандемијата, изјави главниот американски епидемиолог, Ентони Фаучи.
Ова го потврдуваат и податоците за заболените од Калифорнија, Аризона, Флорида и Тексас, а повеќето од новите случаи се млади луѓе кои не ги почитувале мерките за социјална дистанца, пренесува.
„Просечната старост на пациентите сега е 15 години помала отколку што беше пред неколку месеци, особено во Њујорк, Њу Орлеанс и Чикаго“, рече Фаучи.
Гувернерот на Флорида, Род де Сантис, објасни дека просечната возраст на пациентите на кои им е неопходна хоспитализација е 33 години, додека во март, главно заболувале пациенти на возраст меѓу 50 и 60 години.
И додека младите луѓе имаат помала веројатност да развијат сериозна форма на COVID-19, Фаучи предупредува дека вирусот сè уште може „да ги остави надвор од игра со недели“.
Просечната возраст на пациентите на кои им е неопходна хоспитализација е 33 години, додека во март, главно заболувале пациенти на возраст меѓу 50 и 60 години
Тие исто така треба да запомнат дека кога се заразени, постои веројатност дека би можеле да ја шират болеста на луѓе кои се изложени на голем ризик од сериозно заболување, рече тој.
„Би можеле да заразат некого што ќе зарази некој друг, а потоа одеднаш нечија баба, дедо или тетка, која прима хемотерапија за рак на дојка, ќе биде заразена. Вие сте дел од ширењето на пандемијата, па затоа е одговорност кон самите себеси, но и кон општеството, да ја избегнувате инфекцијата“, рече Фаучи, пренесува CNBC.
