Розалинд Его од Лондонската школа за хигиена и тропска медицина вели дека постојат индиции дека децата не го пренесуваат новиот коронавирус во мера во која го пренесуваат возрасните.
“Постојат индиции дека децата се помалку заразни од возрасните, но тоа не е сигурно“, изјави Его, која е советник во владата на Велика Британија за преносот на КОВИД-19 меѓу децата и во училиштата.
Според неа, за децата кои не покажуваат знаци на зараза, многу е тешко да се каже колку се заразни, но почнуваат да се појавуваат докази дека постои помала можност за зараза од нив.
“Потребни ни се повеќе студии за навистина тоа да го заклучиме“, истакнува д-р Его.
Нејзиното истражување покажало дека постои многу пониско ниво на симптоматска инфекција кај лица помлади од 20 години – околу 20 проценти од инфекцијата која покажува клинички симптоми.
“Мислиме дека децаат имаат помали шанси да заболат, но тое не е сигурно. Но, многу сме сигурни дека децата најверојатно нема да имаат тешки последици“, додава таа.
Џон Едмундс, член на научно-советодавното тело за итни случаеви вели дека децата најверојатно не играат голема улога во ширењето на коронавирусот, додека за повеќето респираторни вируси и бактерии играат средишна улога.
Тој предупреди и на потенцијално лошите вести дека човечкиот имунитет на новиот коронавирус нема долго да трае.
“Одговорот на антителата со тек на време опаѓа кај преживеаните од САРС, така што по неколку години нивните антитела значајно се намалени“.
