ИГРА ПРЕД ОГЛЕДАЛО, ГЛЕДАЊЕ ВО ОЧИ, БАКНЕЖ ЗА ПОЗДРАВ: Како на едноставен начин да ја подобрите комуникацијата со бебето

Дури и кога имате милион обврски, ако детето се обидува да комуницира со вас, прекинете со се што правите и покажете му дека го слушате. Спуштете се до негово ниво и внимателно следете што ви зборува.

ГЛЕДАЈТЕ ГО БЕБЕТО ВО ОЧИ

Не постои подобар начин да му покажете на бебето дека сте заинтересирани за тоа што ви “зборува“, од погледот во очи. Англиски истражувачи утврдиле дека директниот поглед во очи помеѓу родителите и бебето синхронизира мозочни бранови кај двете страни, и го олеснува совладувањето на комуникација подоцна во животот.

ПРАВЕТЕ СНИМКИ ОД РАЗГОВОРИТЕ

Забележете со видео камера неколку разговори со бебето, а потоа анализирајте ги. Еднаш со вклучен, а следниот пат со исклучен тон. Така ќе ги воочите сите невербални знаци кои ви ги испраќа бебето.

ИГРАЈТЕ СИ ПРЕД ОГЛЕДАЛО

Седнете пред големо огледало со бебето во раце. Правете смешни гримаси и обрнете внимание на тоа дали бебето ве имитира. Но, и вие имитирајте ги сите гримаси што ги прави бебето, за да му покажете дека го следите во изразувањата.

СЕКОГАШ РЕАГИРАЈТЕ

Дури и кога имате милион обврски, ако детето се обидува да комуницира со вас, прекинете со се што правите и покажете му дека го слушате. Спуштете се до негово ниво и внимателно следете што ви зборува.

БИДЕТЕ ДЕТЕКТИВ

Кога ќе почнете да обрнувате целосно внимание на невербалната комуникација со вашето бебе, ќе сфатите дека тоа е вистински махер во тоа и ќе го протолкувате значењето на повеќето негови движења. Затоа запишувајте се што прави, секое негово движење и гестикулација, како и вашето толкување. Благодарение на тоа, брзо ќе сфатите што значи повлекувањето на ушната ресичка, триење на очињата и друго.

БАКНЕЖ ЗА ПОЗДРАВ

Околу деветиот месец од животот, бебето почнува да ја сфаќа гестикулацијата со раце, па во овој период треба да научи како да испрати бакнеж со рачето. Повторувајте ја оваа активност секој ден, но во смислени ситуации, на пример кога го поздравувате тато кога оди на работа или баба кога ќе си тргне дома. Многу брзо ќе почне на барање да испраќа бакнежи.

МАВТАЊЕ СО РАЧИЊАТА

Кога ви се чини дека бебето мавта со рачињата оти сака да изрази возбуда, тоа всушност сака да комуницира со вас. Обрнете внимание на него и тоа ќе биде одушевено.