Истите мерки за заштита од коронавирус штитат од грип, но и од настинка

Покрај редовното миење на рацете и физичкото растојание, носењето маска мора да стане секојдневна навика за луѓето ширум светот, како заштита од коронавирусот, но и од други инфекции, велат стручњаците

Маската е ефикасна ако има два или повеќе слоеви, но многу е битен и начинот на кој се носи

Експертите ја охрабруваат јавноста да продолжи со добрите практики на миење раце, одржување на физичко растојание и носење маски, сè со цел да се спречи ширењето на коронавирусот, но и на вирусите на грип и настинка.

  • Настинката, грипот и коронавирусот се респираторни вируси и се пренесуваат на ист начин, преку капки и воздух

Инфекциите со капки се големи и не патуваат далеку, не се задржуваат долго во воздухот, бидејќи паѓаат на подот и затоа мора да се држи растојание.

Аерогените инфекции се пренесуваат преку воздухот. Тие се помали, па полесно и подолго лебдат во воздухот, бидејќи протокот на воздух ги носи наоколу и до неколку часа.

Маската е пречка што ги запира капките што се издишуваат и го намалува ризикот од пренесување на инфекцијата на други луѓе, пишува „Healthline“.

„Помислете на хирурзите. Тие носат маски за да не паѓаат бактериите од устата и носот на хируршката рана. Значи, ако сите би носеле маски за да се заштитат себеси и другите, тоа значително ќе го намали пренесувањето на вирусот“, вели Ден Блумберг од „ University of California Davis“.

Маската е ефикасна ако има два или повеќе слоеви, но многу е битен и начинот на кој се носи. „Најдобрата маска е онаа што се носи правилно, над носот и устата додека престојувате на јавен простор“, објаснува Џејмс Фридман, педијатар од Сан Диего.

Покрај редовното миење на рацете и физичкото растојание, носењето маска мора да стане секојдневна навика за луѓето ширум светот, како заштита од коронавирусот, но и од други инфекции.