Хрватскиот научник Иван Џикиќ вели дека на луѓето треба да им се понуди едукативна и мотивирачка кампања каде ќе разберат зошто е важно да се вакцинираат токму сега.
- Интересот за вакцинација опаѓа, како да се мотивираат луѓето? Дали е тоа, на пример, билет за театар или одење на бања?
„Во секој случај, на луѓето треба да им се понуди едукативно-мотивирачка кампања каде ќе разберат зошто е важно да се вакцинираат токму сега. Еве еден пример од научна гледна точка: сега е лето, имаме многу витамини. Да, тоа го подобрува имунитетот и ако некој сака идеално време, тоа е сега, затоа што за 6 месеци, не само со антитела, туку и со мемориски клетки, тој имунитет ќе не одбрани од вирусот што сигурно ќе биде околу нас и следната зима“, изјави Џикиќ за хрватска „РТЛ“.
- Во Пакистан, на пример, велат дека нема употреба на мобилен телефон ако не се вакцинирате. Тоа е една од идеите.
„Таквите ограничувачки кампањи нема да успеат во Европа. Во Европа, особено на младите треба да им се објасни каде се нивните придобивки – дека ќе можат да патуваат во текот на зимата, дека ќе можат да работат професионално, дека ќе учат и дека ќе можат да се сретнуваат. Луѓето кои ќе бидат вакцинирани, кои ќе бидат заштитени, ќе имаат истовремено многу поголеми можности за движење, ќе имаат можност за социјализација, што е многу важно во општеството“.
- Бројките паѓаат, мерките се олеснуваат, па некои размислуваат зошто би се вакцинирале сега?
„Сега немаме вирус околу нас, значи нема опасност, но сега нашиот имунолошки систем е подготвен да прима антигени, да создава одличен хуморален но и клеточен имунитет, и во есен и зима, кога сигурно ќе дојдат нови соеви, нови варијанти, тогаш ние како индивидуи ќе бидеме заштитени, а во исто време нашиот имунолошки систем ќе биде најоптимално подготвен за борба против нови вируси“.
Во Европа, особено на младите треба да им се објасни каде се нивните придобивки – дека ќе можат да патуваат во текот на зимата, дека ќе можат да работат професионално, дека ќе учат и дека ќе можат да се сретнуваат. Луѓето кои ќе бидат вакцинирани, кои ќе бидат заштитени, ќе имаат истовремено многу поголеми можности за движење, ќе имаат можност за социјализација, што е многу важно во општеството
- И Вашиот син работи и на лекови за коронавирус. Кога ќе имаме лек?
„Па, работиме на тоа веќе 1,5 година. Само што завршуваме еден интересен проект. Објавата ќе биде следната недела. Но, она што е моја порака до пошироката јавност е дека само со вакцинирање нема да го победиме вирусот, ќе влеземе во контрола на вирусот, и следната година вирусот ќе биде околу нас. Нам навистина ни требаат правилни, целни лекови против коронавирус со кои ќе можеме да им помогнеме и на оние луѓе кои ќе го добијат вирусот и покрај вакцинацијата, да им го заштитиме животот и да ги заштитиме од оштетувањата кои за жал се јавуваат кај овие постковидни синдроми“, објаснува Џикиќ. (РТЛ)
