Околу 25 проценти од жителите на округот Лос Анџелес заразени со новиот коронавирус во периодот од мај до 25 јули биле целосно вакцинирани и тоа е период на брзо ширење на многу заразната верзија делта, објавија американските власти.
Вакцината, сепак, штитела од потешка форма на болеста
Податоците објавени во неделниот извештај на Американскиот центар за контрола и превенција на болести (CDC) покажуваат нагло ширење на инфекцијата кај целосно вакцинирани.
Од CDC сакале да утврдат дали на Американците им е потребна трета доза вакцина против Ковид-19 за да бидат посилно заштитени. Новите податоци објавени во вторникот вклучуваат повеќе од 43.000 пријавени случаи на инфекција кај жителите на округот Лос Анџелес на возраст над 16 години.
Од нив, 10.895 или 25,3 проценти биле целосно вакцинирани, 1.431 или 3,3 проценти биле делумно вакцинирани, а 30.801 или 71,4 проценти биле невакцинирани.
Вакцината, сепак, штитела од потешка форма на болеста.
Истражувањето покажало дека 3,2 проценти од целосно вакцинирани луѓе кои биле заразени со вирусот биле хоспитализирани, само 0,5 проценти биле третирани на одделенија за интензивна нега, а 0,2 проценти биле поврзани на респиратор.
