Ново истражување покажало дека родителите можат да влијаат на развојот на мозокот и на способноста за говор кај бебето, така што со бебето ќе зборуваат исправно, но од различен ритам.
Користете вистински зборови и исправна граматика, но користете повисок тоналитет и побавно темпо, објаснува Наја Рамирез, од секторот за лингвистика на Универзитетот во Вашингтон.
Она кое луѓето со сметаат за бебешки говор е комбинација на извртени звуци и зборови, понекогаш и граматички неисправни зоброви.
Говорот што го користат родителите во комуникација со бебето помага тоа да се вклучи во социјални ситуации, и на нив да одговори макар и низ неразбирливо брборење.
Родителскиот говор содржи три карактеристики, вели Патриција Кул. Една од нив е користењето на високи тонови, често за октава повисоко. Втората е закривена интонација, со други зборови високите тонови се всушност многу високи, а ниските се многу ниски. Така родителот потенцира дека звучи возбудено и среќно. Трето, таквиот говор е побавен. Паузата помеѓу зборовите и фразите дозволува детето да учествува во интеракцијата.
Студијата која е објавена во списанието Proceedings of the National Academy of Sciences покажала дека поттикнувањето на “социјалниот мозок“ е клучно за забрзување на развојот на говор и јазикот кај бебето. Кул вели дека ваквиот начин на говор им е многу подраг на бебињата од вообичаеното “искривување и извитоперување“ на зборовите, при што често тие се изговараат неправилно.
