Како се препознава поленска кивавица кај децата?

Овој тип на ринитис е болест во пораст и се повеќе деца се соочуваат со овој проблем.

  • Зошто се нарекува поленска кивавица?

Оваа болест се појавува поради алергиска реакција во носот на детето. На слузницата на носот се случува реакција на поленот (алерген) и антителата (кои ги создава организмот на детето кое има склоност кон алергии), што се манифестира со оток на слузницата која лачи проѕирен, водлест секрет. Со оглед дека носот е првиот филтер на органите за дишење, не зачудува пто токму алергискиот ринитис или поленската кивавица е убедливо најчестата алергиска болест.

  • Кога почнува?

Не е лесно да се погоди времето на цветање на поленот. Тоа зависи од траењето и карактерот на зимата. Постојат треви кои цветаат и во есенскиот период. Таква е амброзијата која расте долж речните токови и која создава проблеми кај алергичните деца некогаш веќе од крајот на август, а обично во септември.

  • Како изгледа дете кое има поленска кивавица?

Лесно е да се препознае – постојано шмрка и кива, со раката често го тире носот, а често има и лесно закрвавени очи поради алергиската реакција на слузницата на окото (алергиски конјуктивитис). Тегобите почнуваат со цветањето на тревите, иако често погрешно се поврзува со “мапучните топчиња“ кои ги создаваат тополите.

  • Како се поставува дијагнозата?

Педијатарот многу лесно ја поставува клиничката дијагноза на алергиска кивавица. Потврда на дијагнозата се добива со алерголошка обработка. Задолжителни се т.н. “кожни проби“ кои за 15 минути откриваат кои треви му пречат на детето. Тие се многу едноставни и веродостојни. Алергиите многу прецизно може да се откријат со примерок од крв. Кога еднаш ќе се постави дијагнозата, повеќето родители брзо учат да ја препознаат оваа болест кај своето дете.

  • Кои деца ги напаѓа поленот?

Нема правила, но ретко се среќава во првите години од животот. Има деца кои во 5. година прв пат добиваат алергиски ринитис, но се случува во возрасниот период. И натаму е непознато зошто кај некои деца болеста започнува порано, а некои пораснуваат пред првите симптоми на алергиска кивавица.