Според проф. Тања Крал добар појадок за раст и развој на децата е оној кој вклучува храна богата со протеини, како што се јајцата. Протеините се градивни материи за коските, мускулите и ‘рскавицата и припаѓаат на една од трите групи намирници што ни дваат енергија, покрај мастите и јаглехидратите.
Долго се верувало дека најдобар појадок за детето се житарки или леб со намаз, но професорите од Универзитетот во Пенсилванија, заклучиле дека појадокот богат со протеини подолго го држи детскиот стомак сим и доведува до помала потреба за храна за ручек. Забележан е и намален внес на број на калории во текот на попладневните оброци, иако овој ефект не е присутен во текот на целиот ден.
Идеален појадок за деца на сите возрасти е омлет, тост од интегрален леб, 2 или 3 парчиња сезонско овошје и шолја кисело млеко или јогурт. Ваквиот појадок го намалува анергетскиот внес за ручек до 70 калории, што е еквивалентно на еден помал чоколаден колач.
Ваквото намалување на внесот на калории за ручек, не е забележано кога децата за појадок имале житарки или сендвич. Иако бројката од 70 калории не звучи голема, сепак треба да се земе предвид дека на просечно дете на осум години или на 10 години, дневно му се потребни помеѓу 1.600 и 1.800 калории во дневниот внес на храна, а дека вредноста од 70 калории претставува 4% од дневните енергетски потреби на детето.
Ова истражување укажува дека појадокот кај децата треба да се замени со протеински оброк, да се намали количината на внесени јаглехидрати во текот на денот, а да се зголеми количината на протеини и масто.
