Мајчиното млеко се состои од 88 проценти вода и во себе сосдржи се што му е потребно на бебето. Исто така, на бебињата кои се дојат не им е потребна дополнителна вода, дури и на високи температури, доколку се дојат кога и да имаат потреба за тоа.
Вода не е потребна ниту на бебињата кои се хранат со формула. Некои стручњаци препорачуваат да на бебето, ако го храните со формула, му понудите вода ако надвор е топло, или кога детето има температура.
Стручњаците нагласуваат дека на бебето не треба да му се дава вида во периодот додека се дои, оти тоа може да ја попречи честотата на доењето и со самото тоа да не му се дозволи на детето да внесе доволно хранливи состојки од млекото.
Тие велат дека на бебињата до шест месеци не треба да им се дава вода, ниту сок, оти е непотребно, а може да се јават и алергиски реакции. Бебе на возраст од ва месеци не треба да пие вода, оти неговиот организам е хидриран од млекото, а вишокот вода може да предизвика интоксикација со вода. Ако бебето пие многу вода, тоа ќе му го наполни стомачето, без да внесе калории, а понекогаш може да биде и причина зошто бебето слабее и не добива на телесна тежина.
Кога станува збор за малку постари бебиња, од четири до шест месеци, нив им е доволно да им се понуди неколку голтки дневно, не повеќе од 60 мл дневно. Неколку голтки повеќе ќе му се потребни на деттео кога ќе почне да јаде цврста храна, за да се спречи појава на констипација.
