Новите родители често имаат толку многу прашања за тоа како да го хранат бебето, и секако многумина од нив бараат одговори од стручњаци. Но, ново истражување покажува некои сомнежи на насоките кои денес ги препорачуваат лекарии други стручњаци.
Службените насоки велат дека бебињата на возраст од околу шест месеци се подготвени да започнат со цврста храна. Истражувањето објавено во списанието American Journal of Preventive Medicine тестирало дали количината што ја предлагаат некои угледни американски институции води до здрав индекс на телесна маса кај бебињата.
“Многу е важно децата да не се прејадуваат во доенечкиот период, оти знаеме дека тоа може да доведе до дебелеење и здравствени проблеми подоцна во животот, но нашето истражување покажа дека почитувањето на постоечките насоки може да доведе до прекумерно хранење на новороденчињата“, изјавила водачот на истражувањето Мари Фергусон.
Но, за родителите е многу важно да ги следат овие основни совети за да обезбедат здраво напредување на детето:
Избегнувајте прерано воведување на црвста храна
Вообичаено време е околу шестиот месец, но понекогаш тоа може да биде рано како да станува збор за четвртиот месец, наведува Американско здружение на педијатри. Важно е бебето да покажува знаци дека е подготвено за нова фаза, а еден тие знаци е отворање уста кога храната е во близина. Исто така, веќе двојно ќе ја зголеми родилната тежина и ќе има контрола над движењата на главата.
Оставете ги да покажат дека се сити
Родителите треба да обезбедат хранливи намирници кои ќе ги испорбаат и ќе одлучат кога ќе им ги понудат. Ако бебето ја турка храната, ја врти главата, не отвора уста и ја плука храната – не треба да го форсирате. Според експертите ова е одговорно хранење.
Продолжете да нудите здрава храна
Нема сомнеж дека ќе им се допадне слаткиот и солен вкус, но продолжете со зеленчук и овошје. Со тек на време ќе им допадне.
Не користете ја храната како утеха
На секое плачење не реагирајте така што ќе го доите детето или ќе му давате колачиња или шишенце. Кога ќе се смират, обезбедете им доволно сон, оти на тој начин ќе спречите детска обезност.
