Комбинацијата на „АстраЗенека“ и „Фајзер“ го зголемува нивото на антитела кон коронавирусот, покажува студија

Истражувањето опфатило 499 здравствени работници, од кои 100 примиле комбинација на вакцини, 200 примиле две дози „Фајзер“, а другите примиле две дози “АстраЗенека“

Повеќето луѓе кои ќе се инфицираат со коронавирус целосно се опоравуваат во рок од четири недели, но некои симптоми траат со месеци по инфекцијата

Комбинацијата на вакцини, прва доза на „АстраЗенека“, а потоа „Фајзер“, го зголемува нивото на неутрализирачки антитела за шест пати, во споредба со примени две дози на „АстраЗенека“, покажуваат резултатите од истражувањето во Јужна Кореја.

Резултатот на комбинирање на вакцините покажал слична количина на неутрализирачки антитела како во групата што примила две дози на „Фајзер“

Студијата опфатила 499 здравствени работници, од кои 100 примиле комбинација на вакцини, 200 примиле две дози „Фајзер“, а другите примиле две дози “АстраЗенека“.

Во сите случаи, дошло до формирање на неутрализирачки антитела кои спречуваат вирусот да влезе во клетките и да се реплицира. Резултатот на комбинирање на вакцините покажал слична количина на неутрализирачки антитела како во групата што примила две дози на „Фајзер“.

Научниците во Јужна Кореја ја анализирале и неутрализирачката активност против главните варијанти на коронавирусот

Слични резултати покажа минатиот месец и една британска студија во чии рамки по првата доза на „АстраЗенека“, била дадена „Фајзер“, што предизвикало најдобар одговор на Т-клетките и поголеми нивоа на антитела отколку кога „Фајзер“ се користел за првата доза, а потоа била давана „АстраЗенека“ како втора доза.

Научниците во Јужна Кореја исто така ја анализирале неутрализирачката активност против главните варијанти на новиот коронавирус.

Ниту во една од групите не било забележано намалување на активноста за неутрализирање на алфа варијантата, најпрво идентификувана во Велика Британија, но титарот за неутрализирање паднал за два и пол до шест пати кога биле во прашање бета, гама и делта варијантата, откриени првпат во Јужна Африка, Бразил и Индија.