КОРОНАВИРУС И НОВОРОДЕНЧИЊА: Кои се препораките за новите родители во услови на COVID-19

Откако Кери Симондс и Борис Џонсон добија бебе само еден месец откако на британскиот премиерот му беше дијагностициран COVID-19, а болеста во поблага форма ја имаше и неговата вереница, „Evening Standard“ истражува кои се најновите препораки за тоа што да направите ако имате бебе во време на коронавирус

Принова во време на коронавирус: На што треба да внимаваат родителите

♦♦♦♦♦♦♦

Даунинг стрит 10 вчераутро го доби својот најмлад станар: Британскиот премиер Борис Џонсон (55) и неговата 23 години помлада свршеница Кери Симондс станаа родители на здраво машко бебе. Бебето, кое се очекуваше да дојде на свет летово очигледно подрани, но како што изјави портпаролот на двојката „и мајката и новороденчето се добри“.

Поттикнати од фактот дека и Кери Симондс и Борис Џонсон, непосредно пред нејзиното породување, имаа коронавирус – британскиот весник „Evening Standard“ истражува како вирусот влијае врз новороденчињата и кои се препораките за новопечените родители.

Многу бебиња кои го имаат вирусот нема да покажат знаци на болест и ќе закрепнат целосно. Некои можат да развијат нестабилна температура и/или кашлица. Бебињата со инфекции не секогаш развиваат треска
  • Може ли коронавирусот да влијае на новороденчињата?

„Бебињата можат потенцијално да се заразат со коронавирус по раѓањето од секој кој е инфициран со вирусот“, според National Health Service (NHS). Се препорачува да го однесете вашето бебе дома веднаш штом има услови за тоа и да ги почитувате владините совети за самоизолација и социјално дистанцирање. Особено треба да го чувате бебето подалеку од луѓе со кашлица, треска или други вирусни симптоми, како што е течење на носот, повраќање или дијареја.

Добро признатите придобивки од доењето ги надминуваат сите потенцијални ризици од пренесување на коронавирусот преку мајчиното млеко. Главниот ризик од доењето е блискиот контакт помеѓу вас и вашето бебе, затоа што може да споделите инфективни капки во воздухот, што ќе доведе до инфекција на бебето по раѓањето, велат од Кралскиот колеџ на акушери и гинеколози (RCOG)

„Многу бебиња кои го имаат вирусот нема да покажат знаци на болест и ќе закрепнат целосно. Некои можат да развијат нестабилна температура и/или кашлица. Бебињата со инфекции не секогаш развиваат треска“.

NHS советува доколку вашето бебе има кашлица, треска или е невообичаено топло или ладно, да се јавите телефонски на лекар. Но, ако вашето бебе има знаци што ве загрижуваат во однос на дишењето, бојата или движењето, ВЕДНАШ да се јават и да побараат помош.

  • Ако се сомневам дека сум заразена или имам потврден коронавирус, дали сè уште можам да практикувам допир „кожа на кожа“ со моето бебе?

Ова зависи од вас. Ако сте имале или имате коронавирус и одлучите да го практикувате тоа, постои ризик да го пренесете вирусот преку воздушни капки.

Кралскиот колеџ на акушери и гинеколози (RCOG) вели дека во извештаите од Кина е нотирано дека мајките во земјата биле советувани да останат настрана од своите новороденчиња. „Постојат некои извештаи од Кина кои сугерираат дека на жените со потврден коронавирус им се советува да бидат разделени од своето бебе во период од 14 дена. Сепак, ова може да има потенцијални негативни ефекти врз хранењето и поврзувањето на бебето со мајката“.

NHS препорачува возрасните и децата да земаат витамин Д таблети за време на изолацијата, со оглед на тоа што поголемиот дел од времето остануваме во домот
  • Може ли да го дојам своето бебе ако имам или имав коронавирус?

Да. RCOG вели дека нема „докази“ дека вирусот може да се најде во мајчиното млеко, така што треба да продолжите со доење доколку е тоа можно.

„Добро признатите придобивки од доењето ги надминуваат сите потенцијални ризици од пренесување на коронавирусот преку мајчиното млеко. Главниот ризик од доењето е блискиот контакт помеѓу вас и вашето бебе, затоа што може да споделите инфективни капки во воздухот, што ќе доведе до инфекција на бебето по раѓањето. Дискусијата за ризиците и придобивките од доењето треба да се одвива помеѓу вас и вашето семејство и вашиот породилен тим.“

Доаѓањата на патронажните сестри се заменети со телефонски повици
  • Можат ли членовите на семејството да го запознаат моето бебе додека сме во изолација?

Додека Велика Британија останува затворена, важат препораките за социјално дистанцирање што значи дека секој кој не е дел од вашето домаќинство не може да го запознае вашето новороденче сè додека не се олеснат овие регулативи. Од новите родители, засега, се бара да користат платформи за видео разговор како Зум или Скајп за да го запознаат своето бебе со членовите на семејството.

  • Дали добивам доволно витамин Д и како тоа влијае на моето бебе?

NHS препорачува возрасните и децата да земаат витамин Д таблети за време на изолацијата, со оглед на тоа што поголемиот дел од времето остануваме во домот.

Во препораката се вели: „Од раѓање, на сите доенчиња треба да им се дава дневна суплементација на витамин Д. Меѓутоа, ако вашето бебе пие повеќе од 500 мл  адаптирана формула дневно, не му треба суплемент бидејќи формулата е веќе збогатена со витамин Д.“

„Имаше неколку вести во врска со витаминот Д, во кои се велеше дека го намалува ризикот од коронавирус. Како и да е, нема докази кои тоа го потврдуваат.“

Во мајчиното млеко нема коронавирус
  • Што можете да направите ако сте тазе родител и се чувствувате осамено?

Осаменоста и чувството на изолација се чести меѓу новите родители, особено кај новите мајки кои ја оставиле динамичната работна средина и наместо тоа, поголемиот дел од времето го минуваат со своите бебиња, а сега тоа е дополнително усложнето поради изолацијата и мерките, кои не дозволуваат посетители. Кога една жена во Велика Британија ќе се породи, таа добива патронажна сестра, која ќе дојде да и понуди совети и поддршка како што закрепнува од раѓањето, но сето ова во моментот е заменето со телефонски повици.

Како што е користење на алатки како Зум и Скајп за видеоповици со пријателите и членовите на семејството за да се олесни осаменоста, постојат и други начини на кои можете да се справите со оваа состојба. NHS препорачува да се оди на прошетка надвор, или да се учествува во група за поддршка доколку имате потреба да разговарате со некој. Патем, има и апликации за родители, кои можат да им помогнат на мајките да се справат со осаменоста и постпородилната депресија со помош на алгоритам, кој ќе им помогне да запознаат мајки кои се во слична состојба и да си овозможат поддршка и помош едни на други.                                   (Evening Standard)