Веста за бременост многу често со себе носи различни чувства – од возбуда до преоптовареност, од страв до неопишана среќа.
Сега, кога на глобално ниво е прогласена пандемија на КОВИД-19, ваквата животна промена носи дополнителни предизвици за идната мајка. За среќа, постојат многу начини да се подготвите за патот кој веочекува. Пред се, тука се подразбира разговор со лекар и задолжително следење на неговите упатства.
На многу жени потребни им се почести прегледи, затоа е многу важно да сега повеќе од вообичаено разговарате со матичниот гинеколог за се што ве мачи.
Што да го прашате лекарот за врска со коронавирусот?
Многу е важно да поразговарате со лекарот за следните чекори кои би требало да вклучуваат минимален контакт со други лица, за да се избегне потенцијално ширење на вирусот. Со оглед дека студиите за целата состојба се уште се минимални, за овој вирус не се знае доволно. Засега се смета дека вирусот не може да се пренесе од мајката на фетусот. Сепак, со оглед дека кај бремената жена, имунитетот е ослабен, тие би требало дополнително да се чуваат. Освен ако не е неопходен преглед во ординација, за се останато може телефонски да комуницирате со гинекологот.
МЕНТАЛНО ЗДРАВЈЕ
Вашето ментално здравје е од огромна важност во текот на овој период. Затоа треба добро да се информирате за сите промени. И под нормални околности, бременоста може да биде поттик за анксиозност и стрес, а не во овие вонредни услови.
Држете се до одредена рутина и сето ова кое се случува прифатете го како нормално, колку е тоа можно. Ако е потребно, ограничете ги информациите за актуелните случувања со коронавирусот и бидете сигурни дека ги читате од проверени извори. Искористете го времето да се подготвите и психички и физички за мајчинството…
