Медицинската маска N95 ги запира честичките на вирусот до 90 проценти. Меѓутоа, дури и кога маската N95 е целосно прицврстена за лицето, некои честички од вирусот успеваат да се провлечат
Јапонските истражувачи докажаа дека маските можат да обезбедат заштита од честичките на коронавирус во воздухот, но дури ни маските со професионален квалитет не можат целосно да го елиминираат ризикот од инфекција.
Научниците од Универзитетот во Токио направиле безбедна комора со глави од кукли свртени една кон друга. Една глава, опремена со распрснувач, симулирала кашлање и исфрлала вистински честички од коронавирус.
Истражувањето покажало дека памучната маска го намалува приемот на вирусот до 40 проценти во споредба со ситуација кога воопшто не се носи маска.
Медицинската маска N95, која ја користат медицинските работници, ги запира честичките на вирусот до 90 проценти. Меѓутоа, дури и кога маската N95 е целосно прицврстена за лицето, некои честички од вирусот успеваат да се провлечат.
Кога маската била ставена на главата на куклата која кашлала, памучните и хируршките маски блокирале повеќе од 50 проценти од честичките на вирусот.
„Синергетски ефект се појави во ситуација кога маски имаа и примателот на вирусот и распрснувачот на вирусот“, напишаа истражувачите во студијата објавена во средата.
Постои растечки консензус меѓу здравствените експерти дека COVID-19 може да се шири преку воздухот. Американскиот центар за контрола и превенција на болести (CDC) ги ревидираше месецов своите упатства, велејќи дека патогенот може да остане во воздухот со часови.
Друга група на јапонски истражувачи со помош на симулација на суперкомпјутер покажаа дека влажноста значително влијае на тоа како честичките на вирусот се шират низ воздухот.
