Алергискиот колитис е реакција на организмот предизвикана од протеини, најчесто од протеини на кравјо млеко. Се јавува кај 2-3% од децата на возраст од доенчиња до три години.
Кај доенчињата до појава на крв доаѓа поради незрелиот имун систем на цревата, изложување на поголема количина на протеини во состав на млечната формула и зголемена пропустливост на цревната слузница кај различни цревни инфекции.
Овие деца, најчесто изгледаат здраво, без разлика на присуството на траги крв во столицата, а други симптоми обично не се присутни – нема повраќање, колики и надуеност на стомакот. Доаѓа до реакција на слузницата во гастринтестиналниот тракт која се уште не е доволно развиена, а со нејзиното созревање доаѓа и до минување на симптомите. Таа крв е свежа, видлива со голо око, во форма на конци со или без примеси на слуз, раздвоена од остатокот на столицата. Крвта во столицата во вид на конци обично се забележува 2-3 недели по раѓањето, иако овие тегоби може да се јават од првиот ден на животот до шестиот месец, некогаш и подоцна. Дополнителна склоност имаат деца кои се на вештачка исхрана, во однос на децата кои ги дојат мајките.
Појавата на крв во столицата е почеста кај бебињата кои се на адаптирана формула поради различниот однос на протеини во составот на млекото.
Симптомите се јавуваат постепено, на почетокот само во некоја може да биде присутна примеса на крв, додека со тек на време крв се појавува во речиси секоја столица во нешто поголема количина. Иако е присутна крв во столицата, овие количини не се толку големи и не може да дојде до појава на анемија кај детето.
Самата појава на крв во столицата во раниот период не значи дека чувствителноста на протеините од кравјото млеко ќе останат засекогаш. Во најголем број случаи, таа се губи по првата година.
