Како да се балансира меѓу пријателскиот и мајчинскиот однос?
Да се биде мајка значи да се има многу улоги, од негувателка до личност која дисциплинира. А некаде во средина се наоѓа и улогата на пријателка. Но, понекогаш е тешко да се пронајде вистинскиот баланс помеѓу улогата на мајка и на пријателка. Кога детето е се уште мало, мајката му е се на светот, негова заштитничка и старателка. Мајката е најдобрата личност за утеха и било каква помош.. Но, детето расте и улогата на мајка почнува да се менува.
Со тинејџерите не е лесно
Многу тинејџери и предадолесценти ги сметаат своите родители за „непријатели„. Бидејќи, сепак родителите се тие кои ги носат правилата со кои децата во принцип не се согласуваат, оти сакаат да ги шират своите хоризонти. Поради тоа, во овие години, често се јавуваат караници и комуникацијата е напната. Освен ова, децата почнуваат да кријат некои работи од родителите (пријатели, љубов, каде се одат и што прават кога не се дома), а тоа доведува до уште повеќе караници и конфликти.
Многу мајки често сакаат да имаат пријателски однос со своето дете, надевајќи се дека тогаш нивното дете ќе се отвори и ќе ја смета за личност во која може да има доверба, а не само како родителска фигура.
Да се биде современа, модерна мајка со која децата тинејџери може да се поистоветат, може да има свои предности. Ако детето ве смета за свој пријател, поголема е веројатноста дека за своите проблеми и чувствителни прашања, како алкохол, дрога, секс, контрацепција ќе разговара вас. Но, мора да бидете свесни дека може да дознаете и многу работи, кои всушност и не сакате да ги знаете.
Дозволете да прават грешки
За да порасне во нормална, зрела личност, детето мора да развие самодоверба, независност и одговорност и понекогаш мора да направи и грешка, за да знае какви последици тоа носи со себе. Ако мајката премногу се однесува како пријателка, нејзиното дете тинејџер можеби ќе нема шанса во целост да го достигне тој развој.
Она што е потребно е да се најде рамнотежа. Дајте им на децата до знаење дека може да ви се обратат за било кој проблем, за што и да се работи или каква и да е ситуација во прашање – добро сослушајте ги, со отворен ум и срце. Но, исто така, дадете им до знаење дека која е границата која не смеат да ја поминат и дека вашата улога во нивниот живот е да им бидете мајка, а не пријателка. Ако правилата се прекршат – следат последици.
Вие ќе продолжите и понатаму да им нудите на децата структура, дисциплина и стабилност се додека не достигнат зрелост. И иако ќе преживеете многу неодоразбирања, кавги, несогласувања и предизвици на тој пат, балансирањето меѓу улогите на мајка и на пријателка, на вашите деца ќе им помогне да се развијат во здрави, среќни и продуктивни возрасни лица.
