Ви се јадат кисели краставички во бременоста? Сте забележале некои чудни желби, особено по прашање на храната? Го менувате расположението во секунда?
Сите овие чудни појави во бременоста всушност имаат научна основа. Науката има објаснување зошто доаѓа до тие необични промени.
- Зошто се менуваат потребите за храна?
Универзитетот во Конетикат направил истражување кое покажало како во текот на бременоста се менуваат желбите и потребите за храна. Во првото тромесечје, трудниците обично одбиваат горчливи и силни вкусови, а во второто и третото тромесечје сите повеќе сакаат солена и кисела храна. Се претпоставува дека таа желба за солена всушност е последица од потребата за натриум, кој е потребен за да се надомести волуменот на крвта.
- Зошто бремената жена станува трапава и изгубена?
На почетокот од бременоста, се зголемува нивото на хормонот релаксин, кој ги опушта зглобовите, мускулите, лигаментите (за подоцна да се помести карлицата) па затоа се јавуваат такви промени.
При крајот на бременоста, кога стомакот расте, центарот на рамнотежата се менува, па затоа навистина може да се сопнете дури и од сопствените нозе.
Промени на расположението
За тоа дефинитивно се одговорни во најголем процент хормоните. По зачнувањето доаѓа до промена на нивото на прогестерон и естроген, кои влијаат и на мозокот. Естрогенот е тесно поврзан со зголемување на допаминот и серотонинот, кои се задолжени за регулирање на емоциите, однесувањето, расположението.
Покрај промените во хормоните, до лоши чувства во бременоста може да дојде и поради физички стрес, болка, замор, но и промени што се случуваат во метаболизмот.
