Мудри совети на познатиот полски педагог

Низ својот животен век, тој оставил бројни совети за родителите и нивниот однос со децата, а издвојуваме дел од нив.

Јанус Корчак е познат педагог, писател, лекар и социјален работник од Полска кој три пати одбил сам да си го спаси животот. Низ својот животен век, тој оставил бројни совети за родителите и нивниот однос со децата, а издвојуваме дел од нив.

  • Не очекувај детето да биде како тебе или како што ти би сакал да биде. Помогни му да не стане како тебе, туку како самото себе.
  • Не барај од детето надомест за се она што си му го пружил. Си му дал живот, како тоа може да ти врати? Тоа ќе даде живот некому друг, тој некому трет – тоа е неповратен закон на благодарност.
  • Не ја истурај лутината врз детето, за во староста да не ти биде горчливо парчето леб. Бидејќи што ќе посееш, тоа и ќе никне.
  • Не гледај на неговите проблеми како да се неважни. Животот секому е даден наспроти неговата сила и затоа верувај дека нему не му е полсено од тебе, а можеби му е и потешко бидејќи нема искуство.
  • Не понижувај!

Не заборавај дека најважните средби на еден човек се неговите средби со децата. Обрнувај повеќе внимание на нив – никогаш не знаеме кого тоа сме сретнале во детето.

  • Не мачи се себе ако нешто не можеш да направиш за своето дете, само сети се: за детето не е направено доволно, ако не е направено се што може да се направи.
  • Детето не е тиранин кој завладеал со твојот живот, не е само ниту плод од крв и месо. Тоа е драгоцен пехар кој животот ти го доверил да го чуваш и во него да одржуваж пламен. Тоа е ослободувачка љубов на мајката и таткото кои не чуваат “наше“ дете, туку душа дадена на чување.
  • Научи да сакаш туѓо дете. Никогаш не му прави на туѓо дете, она што не би сакал некој да му направи на твоето.
  • Сакај го своето дете какво и да е – неталентирано, несреќно, и кога ќе порасне. Радувај му се на секое обраќање, оти детето е празник се додека е со тебе.