Децата најчесто избегнуваат спиење, оти се плашат дека нешто ќе пропуштат, поради страв од темница, мокрење во кревет или затоа што се заиграле. Ако таквите проблеми ги решите, а детето и натаму одбива да си легне кога треба, веројатно ја тестира својата моќ. Одењето на спиење за него ќе стане уште една мала арена во која ќе се обиде да ги совлада сите тактики, вклучувајќи плачење, хистерија и објаснувања, смета детскиот терапевт Џејмс Леман. Тој предлага ваквото однесување да го сфатите како одбивање на детето и запознавање со одговорностите. Родителската задача е, смета Леман, да се научи детето како да се спречи, низ совладување на одговорностите, а не низ мали игри на моќ. Малите деца нездоволството за легнување во кревет го искажуваат со фрустрација, бидејќи не знаат да се контролираат, па легнувањето треба да им се направи што попријатно и смирено.
Половина час пред, нека владее мир
Пријатното легнување на спиење не значи слаткоречивост, вели Леман, туку воспоставување мир. Изгасете ги сите игрици, а на телевизија изберете програма со убава и смирувачка содржина, половина час пред одење во кревет. Не тропајте по кујна, не се активирајте низ домот, и замолете ги сите останати во домот да бидат тие 30 минути потивки.
Аларм
Училишните и децата кои одат во градинка, научете ги да активираат аларм на часовникот или мобилниот телефон, пред да легнат во кревет. Така постапно ќе се запознаваат со своите одговорности и ќе стануваат на време.
Читањето смирува и дава избор
Половина час пред спиење, пригушете ја светлината. На деца до 11 години, пред спиење може да им дозволите и читање. Тоа ќе ги смири, концентрирајќи ги на содржината. Сепак, внимавајте на времето и навременото легнување во кревет.
Мобилниот го одложува сонот
Децата постари од 11 години, легнуваат во кревет на време, но тоагш продолжуваат да се забавуваат пишувајќи пораки или гледајќи во содржината на социјалните мрежи. Таквата ситуација органичете ја со време.
Проверка
Пожелно е да ги проверите постарите деца, откако ќе влезат во соба со најава дека ќе спијат. Чукнете на врата и прашајте дали може да влезете. Ако ви речат “не“, кажете дека ќе се вратите за пет минути.
