НЕ ГО ИГНОРИРАЈТЕ НИВНОТО ПЛАЧЕЊЕ: Студии објаснуваат што се случува со бебето ако го оставите да плаче

Доенчињата никогаш не плачат без причина затоа не ги игнорирајте.

Бебињата многу плачат во првите неколку месеци. И колку и да ви било тешко да се справите со нивното плачење, важно е да одговорите на повикот што ви го испраќаат. Обемни истражувања, кои се занимаваат со однесувањето на новородените деца, носат важни заклучоци за оваа прва човечка комуникација – а тоа е плачење.

Ако го оставите бебето да плаче, тоа може да предизвика зголемено лачење на адреналин, што ги зголемува шансите детето да биде агресивно, импулсивно и насилно подоцна во животот. Друга негативна последица може да биде значително зголеменото ниво на хормонот на стрес, кортизол, кој го забавува развојот на нервното ткиво во мозокот, сметаат научниците. И не само тоа, забележано е дека игнорирањето на плачот на бебето влијае на слабеење на имунолошкиот систем, но и воопшто го забавува развојот на бебето.

Една студија, пак, покажала дека новородените бебиња, чиј плач е занемарен, потешко ги развиваат социјалните и комуникациските вештини во подоцнежното детство, но имаат потешкотии да ги контролираат сопствените емоции. Кога бебињата се физички одвоени од нивните родители, се активираат реакции на болка што доведуваат до хормонални промени.

Бидете позитивно реактивни

Плачењето и смеењето се првите начини на кои детето комуницира со надворешниот свет. Децата плачат ако не им се задоволат примарните потреби, ако чувствуваат болка или непријатност, но и ако сакаат физички контакт.

Исто како и на смеењето, и на плачењето треба да се одговори со позитивна реакција, за детето да се чувствува дека е утешно, прифатено и дека се задоволени неговите потреби.

Постојат многу начини да го смирите вашето бебе – со доење, правење познати звуци од утробата или создавање смирувачка средина и следење на рутината пред спиење. Контактот кожа на кожа, на пример, го стимулира ослободувањето на окситоцин, хормонот на среќата. Во стомакот бебето постојано било изложено на нежно движење, па лулањето го смирува детето и му дава чувство на сигурност.

Затоа, колку и да ви е тешко и заморно да реагирате на секој плач на вашето бебе, запомнете дека тоа е само минлива фаза. На вашето бебе му е потребна вашата блискост и тоа чувство на сигурност најмногу позитивно ќе влијае на неговиот понатамошен развој.