Не се чувствувате добро, a не знаете дали е алергија, грип или Ковид-19: Ова се топ 5 симптоми при инфекција со делта сој на коронавирус

Еден од клучните сигнали дека се работи за делта сој е токму сериозноста на симптомите. Тие можат да бидат исклучително силни, а за овој сој на вирус се смета дека е двојно позаразен од другите варијанти и дека поради тоа луѓето почесто завршуваат во болница. Оние кои не се вакцинирани, се разбира, имаат многу поголем ризик од хоспитализација, но и смрт

Делта сојот на коронавирус делува малку поинаку на симптомите

Не се чувствувате добро, но не знаете дали се работи за алергија, грип или Ковид-19? Според д-р Инчи Јилдрим од Универзитетот Јеил, се чини дека делта сојот влијае на симптомите малку поинаку.

Експертот за вируси д-р Тим Спектор смета дека овој сој на коронавирус делува поинаку и дека затоа мора да бидеме многу внимателни дури и ако симптомите се појават во блага форма. Ако не се чувствувате добро, останете дома и тестирајте се.

Препознајте ги симптомите на делта сојот навреме:

  1. ГЛАВОБОЛКА

Д-р Јилдирим објаснува дека тоа е еден од главните симптоми и дека често имал можност да види пациенти кои страдаат од главоболки токму поради делта сојот. „Видовме многу проблеми со главоболки кај луѓето со Ковид-19, а тоа ги вклучува и варијациите – од тромбоза до разни кардиоваскуларни заболувања.

Ако не се чувствувате добро, останете дома и тестирајте се

2. БОЛКИ ВО ГРЛОТО

Според д-р Јилдирим, воспаленото грло е еден од потенцијалните симптоми на инфекција со коронавирус, но не е најчест.

3. РАСТЕЧЕН НОС

Иако ова е најчесто симптом на настинка, се јавува и кај луѓе кои се инфицирани со делта сојот. „Симптомите на алергија исто така можат да влијаат на оваа промена… Може да се појави кивање, назална конгестија, кашлање, „свирење“ во градите или губење на здив“, додава д-р Арвен Басин од клиниката Мајо.

„Некои од овие симптоми може да се поклопуваат со Ковид-19, а досега видовме многу пациенти кои кашлаат, им тече носот, имаат потешкотии со дишењето или страдаат од тежок замор – сето тоа може да бидат симптоми на алергија, но исто така и на Ковид-19. Но, кога е во прашање Ковид, пациентите често ќе имаат температура, губење на вкус и мирис, болки во мускулите, гадење и дијареја, што не се гледа кај алергиите“, додава тој.

Иако растечениот нос е најчесто симптом на настинка, се јавува и кај луѓе кои се инфицирани со делта сојот

4. МОЖЕ ДА ИМАТЕ ТЕМПЕРАТУРА

Покачена или висока температура е еден од главните симптоми на Ковид-19, а често се пријавува и кога станува збор за делта сојот. Нормалната телесна температура измерена во усната шуплина се движи помеѓу 36,8 °C ± 0,4 °C. Најниските вредности кај повеќето луѓе се мерат во 6 часот наутро, а највисоките вредности се мерат помеѓу 16 и 18 часот попладне. Највисоката нормална телесна температура измерена во усната шуплина во 6 часот наутро е 37,2 °C, а највисоката нормална телесна температура измерена во усната шуплина во 18 часот попладне е 37,7 °C. Вредностите измерени над наведените се сметаат за покачена телесна температура.

5. СИМПТОМИТЕ СТАНУВААТ ПОСЕРИОЗНИ

Еден од клучните сигнали дека се работи за делта сој е токму сериозноста на симптомите. Тие можат да бидат исклучително силни, а за овој сој на вирус се смета дека е двојно позаразен од другите варијанти и дека поради тоа луѓето почесто завршуваат во болница. Оние кои не се вакцинирани, се разбира, имаат многу поголем ризик од хоспитализација, но и смрт.