Недостатокот на железо во текот на детството може да го намали заштитниот ефект на вакцините

Недостатокот на железо е почест кај доенчињата чии мајки биле анемични или кои имале ниска родилна тежина.

Резултатите од две студии укажуваат дека недостатокот на железо во текот на детството може да ја намалат заштитата што ја нуди вакцинацијата. Недостатокот на железо е почест кај доенчињата чии мајки биле анемични или кои имале ниска родилна тежина. Инфекциите и крвавите проливи исто така може да го влошат тој недостаток.

Во првата студија е воочено дека и покрај неколкуте вакцинации, ризикот од недостаток на заштитни антитела против дифетрија, пневмокока и други патогени во крвта, кај децата на 18 месечна возраст бил два пати поголем кај анемичните деца во однос на децата кои не биле анемични.

Во друго истражување се покажало дека децата кои биле вакцинирани против морбили на возраст од девет месеци и кои добивале железо како додаток на исхрана, развивале посилен имонолошки одговор во два аспекти: не само што имале повеќе антитела против причинителите на морбили во крвта на возраст од 12 месеци, туку и нивните антитела биле подобри во препознавање на патогените.

Се смета дека со превенеција на анемијата кај малите деца и додавање на железо во нивната исхрана, може да се подобри заштитата обезбедена со вакцинирањето, што на крајот може да помогне во спречување на многу смртни случаи поради болести кои може да се спречат со вакцинација.