Според наодите од ново истражување спроведено во Италија, новиот коронавирус може да се пренесе на плодот низ плацентата на бремената жена. Две бебиња кои ги родиле трудници заразени со КОВИД-19, на раѓањето веќе биле заразени, вели имунологот Клаудио Фенициа од Универзитетот во Милано.
За време на студијата, истражувачите прегледале 31 жена заразени со новиот коронавирус кои биле во доцна фаза од бременоста. Темелно ги тестирале жените, нивните бебиња по раѓањето, плацентата, папочната врвца, вагиналната течност и мајчиното млеко, и откриле дека две новороденчиња биле позитивни на КОВИД-19 веднаш по раѓањето. Антитела биле пронајдени се и во крвта од папочната врвца.
“Нашите резултати покажуваат дека вертикалниот пренос се случил во два од 31 случај“, вели проф. Фенициа.
“Вирусот е пронајден во постелката, крвта во папочната врвца, во вагината на трудницата и во млекото“, напишале истражувачите во резимето на свото научен труд.
Постелката била воспалена, што е знак на инфекција. Крвта од папочната врвца кај едно од новороденчињата имала антитела што укажувало на неодамнешна инфекција.
“Овие видови на антитела обично не се пренесуваат од мајката на детето, така што покажуваат дека фетусот бил директно заразен“, вели проф. Фенициа.
