По истражувањето објавено во стручното медицинско списание Circulation, уште едно истражување покажало дека мултисистемскиот воспалителен синдром кај децата (MIS-C) кој е поврзан со КОВИД-19, може толку многу да го оштети срцето на детето, што на дел од нив до крај на животот ќе им бидат потребни интервенции и медицински надзор.
Се покажало дека мултисистемскиот воспалителен синдром кај децата (MIS-C) може да погоди навидум здрави деца без предупредување, три или четири недели по асимптоматската инфекција со SARS-CoV-2.
Најстрашно е дека децата немале типични респираторни симптоми на КОВИД-19 и некој не се ни сомневал дека се болни, за да по неколку недели подоцна дојде до развој на силно воспаление во телото, кое во 71 процент од случаевите наложувало лекување на оддел за интензивна нега. Кај 60 проценти од децата дошло до развој на шок.
Сите деца со (MIS-C) имале висока температура, 73,7% од нив имале болки во стомакот или пролив, додека 68,3% од децата повраќале. Во 22,2 проценти од случаевите, децата требале да бидат приклучени на респиратор.
Треба да се истакне дека мултисистемскиот воспалителен синдром кај децата (MIS-C) може да биде смртоносен бидејќи влијае на повеќе системи во телото. Било да станува збор за срце и бели дробови, гастроинтестинален систем или невролошки систем, овој синдром има толку различни лица, што на почетокот било тешко да се разбере.
Лекарите напоменуваат дека количината на воспалението кај мултисистемскиот воспалителен синдром кај децата (MIS-C) надминува две слични педијатриски состојби, Кавасаки болеста и синдром на токсичен шок.
Ова истражување покажало дека речиси 10 проценти о децата со мултисистемски воспалителен синдром имале аневризма на коронарните крвни садови. Децата со аневризма на коронарните крвни садови бараат внимателно и детално следење со ултразвук за да се утврди дали аневризмата може успешно да се реши или ќе остане до крајот на животот како трајна последица од КОВИД-19. Покрај аневризмата на коронарните садови, кај децата со MIS-C воочена е и помала инжекциона фракција на левата комора, како и дилатација на коронарните крвни садови кои може да се види и кај Кавасаки болеста.
