Истражување спроведено во САД покажало дека во 2020 околу 12 проценти од американските деца со КОВИД-19 биле згрижени во болница, а една третина од нив имале сериозна форма на болеста при што била потреба механичка вентилаци или хоспитализација на оддел за интензивна нега.
Тоа значи дека едно од девет деца со КОВИД-19 имало потреба лекување во болница, а едно од 28 деца, имало сериозна форма на болеста КОВИД-19.
Иако поголемиот дел од децата имаат блага форма на болеста, некои деца развиваат сериозна болест која доведува до хоспитализација, употреба на инвазивна механичка вентилација и смрт, истакнуваат стручњаците.
Исто така треба да се напомене дека околу 53 проценти од хоспитализираните деца со КОВИД-19 биле од женски пол, а околу 54 проценти од нив биле на возраст од 12 до 18 години. Притоа, околу 29 проценти од нив имале барем една хронична здравствена состојба.
Се смета дека сфаќањето на причините поврзани со тежок КОВИД-19 меѓу децата, би можело да помогне во информирањето за стратегиите на превенција и контрола.
Истовремено, итно е потребно да се соберат повеќе податови за долгорочните влијанија на пандемијата на децата, вклучувајќи ги и начините на кои коронавирусот може да му наштети на долгорочното телесно здравје на инфицираните деца, како и неговите ефекти на емоционалното и ментално здравје на децата.
