Омикрон останува заразен на различни површини подолго од оригиналниот коронавирус

Како дел од неодамнешната студија, истражувачите накапале различни површини на собна температура со заразни вирусни капки од оригиналната верзија на коронавирусот и капки од варијантата омикрон BA.1

Најновите лабораториски експерименти покажаа дека честичките на омикрон можат да преживеат на различни површини и се заразни подолго од оние на оригиналниот вирус SARS-CoV-2.

Истражувачите откриле дека на мазни површини, како што се стакло, нерѓосувачки челик и пластични плочи, омикрон бил заразен дури и по една недела, додека честичките на оригиналниот SARS-CoV-2 веќе четвртиот ден не биле заразни на нерѓосувачки челик и пластични плочи, односно седмиот ден на стаклени површини

Како дел од неодамнешната студија, истражувачите накапале различни површини на собна температура со заразни вирусни капки од оригиналната верзија на коронавирусот и капки од варијантата омикрон BA.1.

Тие откриле дека на мазни површини, како што се стакло, нерѓосувачки челик и пластични плочи, омикронот бил заразен дури и по една недела, додека честичките на оригиналниот SARS-CoV-2 веќе четвртиот ден не биле заразни на нерѓосувачки челик и пластични плочи, односно седмиот ден на стаклени површини.

Резултатите се објавени на веб-страницата bioRxiv, но студијата се уште не поминала стручна рецензија.

На хартиено марамче и хартија за печатење, оригиналниот вирус не бил заразен веќе после 30 минути. Омикрон се покажал заразен дури и после 30 минути, но не и по еден час, покажале наодите.

Во повеќето случаи, SARS-CoV-2 се пренесува преку воздухот по пат на респираторни капки, а инфекцијата преку контакт со контаминирани површини е поретка.

Новата студија „ја нагласува важноста на хигиената на рацете и чистењето на површините кои редовно ги допираат различни луѓе“, рече коавторот на студијата Лео Пун од Универзитетот во Хонг Конг. Посебно внимание треба да се посвети на хигиената на површините контаминирани од лице заразено со Ковид-19.

Од човечката кожа, сите варијанти на коронавирус целосно се деактивираат по 15 секунди изложеност на средства за дезинфекција на раце на база на алкохол.