Пет здравствени состојби поради кои може да дојде до повторна инфекција со коронавирус

Во студија објавена во часописот „BMJ Case Reports“ се наведуваат неколку здравствени состојби кои можат да ги зголемат шансите за повторна инфекција со коронавирус. Еве за кои состојби се работи

Според студијата спроведена од американските истражувачи, повторната инфекција со коронавирус може да биде придружена со поблаги симптоми отколку што била за време на првата инфекција.

Во студија објавена во часописот „BMJ Case Reports“ се наведуваат неколку здравствени состојби кои можат да ги зголемат шансите за повторна инфекција со коронавирус. Еве за кои здравствени состојби се работи:

Дијабетес

Многу истражувања досега покажаа дека коронавирусот особено може да ги исцрпи дијабетичарите. Новата студија исто така сугерира дека дијабетичарите се повеќе склони кон повторна инфекција со коронавирус.

Проблеми со тироидната жлезда

Проблемите со тироидната жлезда можат да ги влошат симптомите на Ковид-19, а луѓето со овие проблеми можат да бидат и посклони кон реинфекција, односно повторна инфекција со коронавирус.

Дебелина

Претходните студии покажаа дека дебелите луѓе се поподложни на коронавирусна инфекција и може да имаат потешки симптоми на болеста. Покрај тоа, дебелината исто така може да ја зголеми веројатноста за повторно инфицирање со коронавирус.

Возраст

Според досегашните истражувања, имунолошкиот одговор опаѓа со возраста, поради што постарите луѓе се поподложни на повторна инфекција со коронавирус.

Хронични респираторни заболувања

Ковид-19 е првенствено респираторна болест и ги напаѓа респираторните органи, што ги прави луѓето со хронични респираторни заболувања поподложни на инфекција со коронавирус.

Луѓето кои повторно ќе се инфицираат со коронавирус може да имаат потешкотии со дишењето и болки во мускулите, пишува „Business Line“.