Универзитетот во Оксфорд стопира на деца и тинејџери во состав на истражувањето да се дава вакцината што ја разви АстраЗенека, чекајќи повеќе информации за случаевите на згрутчувања на крвта забележани по вакцинирањето, пишува Wall Street Journal.
Европската агенција за лекови истражува 44 извештаи за екстремно ретки случаи на згрутчувања во мозокот, познати како церебрална тромбоза на венските синуси (CVST), а очекува своите заклучоци да ги објави денес или утре.
Претставник на ЕМА вчера изјави дека постои “јасна поврзаност“ помеѓу вакцината на британско-шведската компанија и CVST, но дека вистинската причина се уште не е позната.
Оксфорд ќе ги почека дополнителните информации од британскиот регулатор за лекови, пред да продолжи со давање на оваа вакцина на деца и на тинејџери во состав на истражувањето, изјави портпаролот на овој универзитет за Wall Street Journal.
