Влегувањето на патронажните сестри во домот на новороденчето носи мир и спокој – тоа е моментот кога родителите може да здивнат, да се опуштат за миг и да прашаат се што сакаат, а се однесува на негата на бебето и мајката.
Патронажната сестра е подадена рака на сите млади родители кои се во самиот почеток на родителството, процес кој трае цел живот.
Не постои поголема среќа, радост, блаженство кои со себе ги носи пристигнувањето на новиот член во домот. Пресреќни родители, возвишени чувства, но и мал страв, неизвесност која произлегува од прашањето: Што понатаму? Дали ќе успееме да се снајдеме во улогата на родители надвор од болницата, каде што се беше полесно затоа што за сите работи околу бебето се грижеа стручни лица? Ќе не биде ли?
Доење, бањање, нега на папочната врвца, пресоблекување, положба за спиење… Младите родители имаат голема потреба од охрабрување и поддршка, разјаснување на дилемите и одговор на сите нејасни прашања врзани со новиот член на семејството.
На тема „Улогата на патронажната сестра“ во новото издание на подкастот „Ваш педијатар“ разговараме со Јулијана Маџовска, дипломирана медицинска сестра, која има над 30 години искуство во патронажната служба.
