Раната интервенција игра клучна улога во развојот на успешен план за лекување на нарушувањата во исхраната кај децата. Адолесцентите и тинејџерите кои се борат со овие нарушувања често се обидуваат да ги сокријат своите симптоми, но постојат голем број на предупредувачки знаци за кои родителите треба да бидат свесни.
Тие знаци подразбираат:
- Ограничен избор на храна
- Носење широка облека
- Негативни коментари за сопственото тело
- Категоризирање на храната како добра или лоша
- Целосна елиминација на одредени намирници
- Често споменување на диета
- Обиди за прескокнување на оброци
- Чести одења во тоалет веднаш по јадење.
Освен овие показатели, постојат и таканаречени физички знаци на нарушувања во исхраната кај децата и тинејџерите. Физичките симптоми на нарушувања во исхраната кај децата и тинејџерите може да варираат од благи до тешки и вклучуваат губење на косата, мускулна слабост, отечени жлезди, зголемен замор и чувствителност на студ.
Препознавањето на сите овие знаци е од суштинско значење за навремена интервенција и ефикасен третман, објаснуваат лекарите и додаваат дека родителите често мислат дека ова е само минлива фаза кај детето, па затоа не обрнуваат доволно внимание. Тие предупредуваат и дека ова е една од најголемите грешки бидејќи во повеќето случаи нарушувањата во исхраната се сериозен проблем и не поминуваат сами по себе, особено не кај децата.
