„Кларенс Хаус“ ја потврди веста дека принцот од Велс (71) е позитивен на тестот за Ковид-19. Во изјавата објавена утрово портпаролот изјави: „Принцот од Велс е позитивен на тестот за коронавирус. Тој има лесни симптоми и е во добра здравствена состојба. Работи од дома во изминативе неколку денови како и вообичаено“.
Во соопштението се додава дека и војвотката од Корнвол, Камила, исто така, е тестирана, но таа го нема вирусот. Во согласност со Владата и медицинскиот совет, принцот и војвотката се наоѓаат во самоизолација дома во Шкотска. Тестовите беа спроведени од страна на NHS во Абердиншир каде што беа исполнети критериумите потребни за тестирање.
-
„Не е можно да се утврди од кого принцот го фатил вирусот поради големиот број на ангажмани што ги извршувал во јавноста во последните неколку недели“, се вели во соопштението.
Чарлс е првиот член на британското кралско семејство што е позитивен на вирусот.
