Проф. д-р Ана Глигиќ: Вакцината против COVID-19 дава краткотраен имунитет до две години, но тоа е доволно за да се запре пандемијата

Сите вакцини кои претендираат да влезат во масовна употреба се направени така што „носителите“ на вакцината се безопасни аденовируси во кои е вградено парче РНК од коронавирусот (SARS-CoV-2), а кое е одговорно за создавање антитела

Сите вакцини се добри, вели проф. д-р Ана Глигиќ, пензиониран вирусолог кој своевремено се бореше против епидемијата на Вариола вера

Сите фармацевтски компании кои влегоа во трката за производство на вакцината ги прават вакцините така што „носителите“ на вакцината се безопасни аденовируси во кои е вградено парче РНК од коронавирус, кој е во моментов во циркулација (SARS-CoV-2), а кое е одговорно за создавање антитела, вели истакнатиот српски вирусолог проф. д-р Ана Глигиќ.

Таа додава дека сите вакцини кои претендираат да влезат во масовна употреба се направени по тој принцип, меѓу нив и кинеската, руската Спутник V, Фајзер, оксфордската АстраЗенека.

  • Проф. д-р Глигиќ објаснува дека вакцината направена на овој начин не бара долгорочни испитувања, дека дава краткотраен имунитет до две години, но дека е доволно за да се запре епидемијата и пандемијата.

Проф. д-р Глигиќ е пензиониран вирусолог, а своевремено се бореше против епидемијата на Вариола вера. Како што објасни претходно – проблемот кај вакцините против Ковид се мутациите.

„Проблемот е во мутациите кои се присутни кај сите вируси, но се покажа дека коронавирусите имаат специфична, брза мутација, бидејќи веќе имаме мутанти на сојот и сега имаме уште поинтензивна форма на вирус, наспроти она што го очекувавме“, изјави таа кон крајот на ноември, пренесува српска „Нова“.