♦♦♦♦♦♦♦
Вошките и детските глисти ги имаа и генерациите пред 50 години, а ги имаат и денешните деца. Во што тогаш грешиме и како воопшто се добиваат глисти?
„Главната причина е немиењето на рацете после посета на тоалет. Јајцата на паразитите се наоѓаат во фецесот (изметот), па кога детето после вршење нужда нема да ги измие рацете, веднаш ќе зарази друго дете“, објаснува проф. д-р Бранимир Несторовиќ, педијатар пулмолог-алерголог од Универзитетска детска клиника „Тиршова“ во Белград.
Како што вели, две врсти се најчести меѓу детските глисти: помали и поголеми.
„Големите глисти доколку не се лекуваат навреме, може да го доведат детето до анемија, болки во стомакот, епизоди на дијареја и запек. Ситните глисти се карактеризираат со јако чешање во пределот околу ректумот“.
Иако терапијата е многу ефикасна, главната грешка која родителите ја прават е тоа што и самите не ја пијат. „Ако некој во семејството се инфицира, сите ќе се заразат во круг, па поради детето кое има глисти, целото семејство мора да пие терапија во траење од 2 до 3 дена“
Проф. д-р Несторовиќ обично им дава на децата да јадат семки од тиква, кои се едно од најефикасните оружја во борбата против глистите. „Семките се идеални за бубрежни колики, болки во стомакот и исфрлање на глисти бидејќи ги парализираат“.
Вошките и глистите се придружници на секој колектив, а посебно во средини каде нивото на хигиена е намалено. „И вошките и глистите живеат насекаде. Доволно е само малку нехигиена и првото заразено дете ќе го зарази второто во рок од 5 минути. Ова е причината зошто воспитувачките во градинките треба да инсистираат на миење на рацете пред јадење, баш како што се вели: пред и после јадење и празнење на телото“, вели проф. д-р Бранимир Несторовиќ во интервју за српски „Телеграф“.
Педијатрите советуваат: Како да ги откриете вошките во детската коса и да се ослободите од нив
Пред се, заблуда е дека вошките се резервирани само за сиромашните луѓе. Заразата со овие досадни инсекти нема никаква врска со чистотата на домаќинството, односно се јавуваат и во услови на високо хигиенски стандарди. Вошките преферираат чиста и здрава коса и скалп. Добрата лична хигиена не може да го заштити вашето дете од вошки, објаснуваат педијатрите.
Вошките не пренесуваат никакви болести, меѓутоа интензивното чешање може да доведе до ранички на кожата, па може да се појави и секундарна инфекција
Вошката е ситен инсект кој живее на скалпот и се храни со крвта од ситните убоди. Женките положуваат јајца (гниди), во косата во близина на скалпот, обично на оддалеченост не поголема од 1,5 сантиметри од скалпот. Овие јајца се прицврстени на косата невообичаено силно. Од гнидите за околу една недела настануваат вошки, со што дополнително се зголемува бројот на крвопии во косата.
Вошките не можат да преживеат вон човечката глава повеќе од неколку часа
Вошките се пренесуваат со контакт меѓу една човечка глава со друга. Се движат по влакната од косата на главата на заразеното лице во косата на друго лице. Вошките не можат да летаат или скокаат и тие не лазат по мебелот, не скокаат меѓу седиштата во автомобил. Вошките не можат да преживеат вон човечката глава повеќе од неколку часа.
Предизвикуваат силно чешање кое што се јавува како резултат на иритација на кожата од убодот и секретот на вошката. Не пренесуваат никакви болести, меѓутоа интензивното чешање може да доведе до ранички на кожата, па може да се појави и секундарна инфекција.
Паразитите лесно се шират во колектив, па дури и кај членовите на семејството. За среќа, постојат препарати кои многу ефикасно ги отстрануваат вошките, но ниту едно средство не ги отстранува јајцата, односно гнидите. За да се ослободите од гнидите, потребен ви е чешел и шноли (за полесно да ја раздвоите косата), чинија, лупа, добро светло и влажна коса. Поминете со чешелот по целата должина на косата, прамен по прамен. По секое чешлање исчистете го чешалот. Продолжете со чешлање се додека не остануваат повеќе гниди на чешелот.
Совети
– Редовно проверувајте ја косата на вашето дете;
– Врзувањето на долга коса во опавче или во плетенки може да помогне да се намали пренесувањето на вошки;
– Чешлите за вошки и за размрсување на косата треба да се чистат после секоја употреба во жешка, сапунеста вода и да се исплакнат со жешка вода.
