Потребно:
- 600гр пилешко бело месо
- 200гр ориз
- 1 виолетов кромид
- 4 лажици масло за јадење
- 2 чешниња лук
- 500мл жешка вода
- 1 кокошја коцка за супа
- 100гр грашок
- 3 моркови исечени на коцки
- 50гр рендан пармезан
- Сол
- Црн бибер
Подготовка: На загреано масло кусо запржете го исчеканиот кромид и лук, додадете го оризот и се заедно пржете околу две минути. Во жешката вода додадете ја коцката за супа. Со бујонот прелијте го оризот, па додадете ги грашокот и морковите. Пилешкото месо исечете го на помали парчиња, па во друго тавче кусо запржете го додека не добие златно-жолта боја. Во огноотпорен сад ставете го оризот со бујонот и зеленчукот. Одозгора распоредете го пилешкото месо, додадете зачини и затворете со алуминумска фолија. Во загрената рерна на 180 степени, ставете да се пече 35 минути. Извадете го садот, наросете со пармезанот и оставете кусо да се запече. Послужете со зелена салата. Добар апетит!
