Потребно:
- 600 гр печурки
- 700 гр компири
- 1 кромид
- 100 гр путер
- 1 лажица брашно
- 200 гр кисела павлака
- 400 мл вода
- 1/2 лажичка оригано
- 1/2 лажичка босилек
- 1 лажичка рузмарин
- 1 лажичка мелен црвен пипер
- 2 ловорови листови
- 60 гр кашкавал
Подготовка: Во тавче растопете го путерот, па додадете го ситно исечканиот кромид. Добро измешајте, а кога ќе омекне додадете ги и сечканите печурки. Се пржат околу 8-10 минути, па се додава брашното и убаво се меша. Во сад измешајте ја киселата павлака и водата, добро соединете, па добиената смеса додадете ја во тавата со печурките. Додадете со, бибер, оригано, босилек, рузмарин и мелен пипер. Промешајте и варете околу 5 минути, а потоа додадете ги компирите исечени на помали парчиња. Ставете ги ловоровите листови, па покријте и варете околу половина час. Потоа извадете ги ловоровите листови, посипете со рендан кашкавал, па повторно поклопете и динствувајте околу 10 минути. Готовото јадење по желба наросете го со свеж сечкан магдонос. Добар апетит!
