Потребно:
- 1 ¼ сечкан карфиол
- ½ шолја сечкана брокула
- Една лажица несолен путер
- Една лажица брашно
- Една шолја млеко (200-250мл)
- Рендано мускатно оревче (колку можете да фатите помеѓу два прста)
- Шест лажици рендан кашкавал ( благ, како што е едамер или ементал)
Оваа количина е доволна за три порции
НАПОМЕНА: Наместо брокула и карфиол може да се користи и друг зеленчук, како на пример, спанаќ или морков.
Подготовка: На пареа згответе ги брокулата и карфиолот околу седум минути, додека да омекнат или варете ги во малку вода. За тоа време подгответе го сосот од кашкавал: растопете го путерот во тавче, измешајте го брашното така да се направи мазна паста и варете една минута. Полека, мешајќи додавајте го млекото, а потоа оставете да врие на тивок оган неколку минути, додека не се згусне. Додадете го кашкавалот и мускатното оревче и мешајте додека не се стопи. Потоа, додадете ги брокулата и карфиолот и испасирајте ја смесата.
ДОБРО Е ДА ЗНАЕТЕ: На повозрасно бебенце кое знае да џвака не мора да ја пасирате смесата, туку само исечкајте го зеленчукот на парчиња и соединете го со сосот од кашкавал.
