РЕЦЕПТ НА ДЕНОТ: Кашичка од спанаќ и банана

Некои мајки, веруваме дека досега веќе станале кулинарски експерти кога е во прашање храната за вашите малечки, но има и такви кои сега почнуваат со дохрана кај дечињата. Затоа денес ви претставуваме малку поинаков рецепт кој може да го подготвите за вашето бебе, веќе од 10. месец.

 Потребно:

  • Една средна или голема банана (излупена и исечена на половина)
  • Две до три шолји млад спанаќ

Подготовка:

Ставете 2,5 сантиметри вода во тенџере и почекајте да проврие. Спанаќот ставете го во метална цедалка, а потоа во тенџерето за да се обари на пареа. Водата не треба да го допира врвот на цедалката. Покријте го тенџерето со капак и почекајте пет до седум минути спанаќот да се обари. Ставете ја бананата со спанаќот во блендер и миксирајте додека не ја добиете саканата густина.

СОВЕТ: Кашичката во затворен сад може да стои во фрижидер три дена, како и три месеци во замрзнувач.

ПОВРЗАНИ НАПИСИПОВЕЌЕ ОД АВТОРОТ