Потребно:
- 125 гр путер
- 125 гр шеќер
- 3 јајца
- 1 лажица џем по вкус
- 60 мл млеко
- 250 гр брашно
- 1 лажичка цимет
- 1 лажичка мелено мускатно оревче
- 1/2 лажичка ѓумбир во прав
- 1/2 лажичка мелен коријандер
- 1 лажица прашок за печиво
- Прстофат сол
- 400 гр суво овошје по избор
Подготовка: Во сад ставете ги омекнатиот путер и шеќерот и миксирајте околу 1 минута. Додадете ги јајцата, измешајте, па додадете го џемот, повторно измешајте и додадете го млекото. Соединете ги состојките, па додадете ја просеаната смеса од брашно, цимет, мускатно оревче, ѓумбир во прав, коријандер, прашок за печиво и сол. Се меша со шпатула, па се додава сушеното овошје по желба. Откако добро ќе ја измешате, истурете ја смесата за колачот во правоаголна тава обложена со хартија за печење и печете на 170°C околу 1 час и 15 минути или додека забодената чепкалка во колачот не излезе чиста. Кога ќе се излади, извадете ја хартијата за печење, исечете и послужете го колачот. Добар апетит!
