Потребно:
- 2 парчиња пилешко бело месо
- 3 компири
- 1 кромид
- 2 јајца
- 1/2 лажичка мелена слатка пиперка
- 500 мл крем за готвење
- 1 лажичка италијански зачини
- 1/4 лажичка морско оревче
- 100 гр кашкавал
- 1 домат (по избор)
Подготовка: Белото месо исечкајте го на коцки, па посолете, бибер и посипете со слатката пиперка. Прелијте со маслиново масло и сè добро измешајте со раце. Тавата премачкајте ја со путер, па наредете го кромидот исечкан на кришки. Зачинете со сол и бибер, а одозгора ставете ги компирите исечени на кругови. Зачинете, прелијте со маслиново масло, па наредете го месото. Изматете ги јајцата со италијанскиот зачин, морското оревче и кремот за готвење. Прелијте ја мусаката и покријте со фолија. Печете ја на 190°C околу еден час. Потоа извадете ја фолијата, посипете со рендан кашкавал и наредете ги доматите исечени на кругови. Печете уште 15-20 минути. Добар апетит!
