Потребно:
- 450гр компир
- 1 кромид
- 250гр спанаќ
- 4 јајца
- 4 лажици кисела павлака
- 1 лажичка лук во прав
- 1 лажичка прашок за печиво
- 150гр кашкавал
Подготовка: Компирите излупете ги и исечкајте ги на коцки, па сварете ги во солена вода. Кромидот исечете го и пржете го на малку масло додека да омекне, па додадете го исечканиот спанаќ и оставате уште 2-3 минути. Промешајте. Во подмачканата тава додадете ги процедените компири и убаво распоредете ги. Прелијте ги со спанаќот и кромидот и повторно израмнете. Во сад изматете ги јајцата, па додате ги прашокот за печиво, павлаката, сол и лукот во прав. Се заедно изматете и додадете го ренданиот кашкавал. Прелијте врз спанаќот, па одозгора наросете уште малку рендан кашкавал. Печете во загреана рерна на 180°C околу 20 минути. Добар апетит!
