Потребно:
- 2 парчиња пилешки гради
- Сол
- Бибер
- Лук во прав
- Црвен пипер
- 2 лажици брашно
- 150мл бујон
- Сок од половина лимон
- Половина лажичка мед
Подготовка: Пилешкото исечете го на коцки. Ставете сол, бибер, лук во прав, црвен пипер, брашно, па се измешајте со раце да се впие убаво. Ставете во тавче да се пржи. За тоа време медот измешајте го со сокот од лимон и чаша бујон (може да растворите коцка за супа). Кога пилешкото ќе фати златна коричка од двете страни, прелијте со мешавината што сте ја направиле. Динствувајте неколку минути додека сосот не се згусне. Сервирајте со прилог по ваша желба.
