РЕЦЕПТ НА ДЕНОТ: Највкусна мусака со модар патлиџан

Во бескрајната листа на јадења кои оставиле посебен впечаток, мусаката несомнено е една класика на која секогаш и се враќаме. Еве како да ја подготвите.

Потребно:

  • 500 гр мелено месо (говедско или свинско)
  • 3 компири
  • 2 модри патлиџани
  • 2 домати
  • 2 јајца
  • 1 чаша млеко
  • 1/4 чаша лебни трошки
  • 1 кромид
  • 2 чешниња лук
  • 1 голема лажица путер
  • Сол, црн пипер и оригано по желба
  • Рендан кашкавал за наросување

Подготовка: На загреана тава растопете путер и додадете ги ситно исечканиот кромид и лук. Пржете околу пет минути додека не омекнат. Додадете го меленото месо, сол, бибер и оригано и пржете додека месото не добие боја. На дното на садот ставете половина од компирите исечени на кругови, а потоа додадете слој од модар патлиџан исечен на тенки кришки, доматите исечени на кругови, па врз сето тоа ставете половина од смесата со месото. Повторно ставете слој од компири, модар патлиџан, домати и месо. Изматете ги јајцата, додадете го млекото, презлата, сол и бибер. Мешајте додека масата не стане хомогена. Со смесата прелијте ја мусаката и посипете со рендан кашкавал. Печете во рерна околу 45 минути на температура од 200 степени. Добар апетит!