РЕЦЕПТ НА ДЕНОТ: Печени јајца со спанаќ и сланина

Предлог за брз и здрав појадок кој може да им го подготвите на децата преку викенд, и ќе направите вкусен оброк за целото семејство.

Потребно:

  • 6 ленти сланина
  • 150гр млад спанаќ
  • 4 парчиња црн леб (или леб по избор)
  • 4 јајца

Подготовка: Најдобро е оброкот да го подготвите во мали керамички садови (за овој рецепт ви требаат 4). Загрејте ја рерната на 200 степени, а сланината исечкајте ја на ситни коцки. Пропржете ја во тавче, па извадете ја на хартиена салфета. Остатокот од маснотијата тргнете го од тавчето, но не ја фрлајте. Потоа во истото тавче на средна температура пропржете го спанаќот, само една минута. Садовите подмачкајте ги со маснотијата од сланината. Во секој ставете едно парче леб. Спанаќот и сланината поделете ги на 4 еднакви делови. Ставете спанаќ врз лебот,па сланина. Направете во секој сад мала вдлабнатина и ставете по едно јајце. Посолете, наросете црн бибер и ставете да се печат околу 15 минути.