РЕЦЕПТ НА ДЕНОТ: Пита со пилешко и компир

Предлог за брза вечера за целото семејство.

Потребно:

  • 1 пакување готови кори
  • 1 кромид
  • 1 морков
  • 2 компира
  • 250гр бело пилешко месо
  • Зачини по желба

За премачкување:

  • 2 јајца
  • 200мл јогурт
  • 1 лажица павлака или кисело млеко
  • 80мл масло
  • Малку сол
  • Малку сусам

Подготовка: Кромидот исечкајте го и пропржете го. По пет минути додадете го изренданиот морков и изренданиот компир. Белото месо исечкајте го на коцки и додадете го во зеленчукот. Динствувајте додека не побели. Зачинете по желба (бибер, сол, кари). Смесата за премачкување направете ја така што ќе ги измешате јајцата, јогуртот, киселото млеко или павлака, маслото и малку сол. Се убаво соединете. Редете по три кори, а секоја премачкајте ја со по две лажици од смесата. Ставете две полни лажици од филот и свиткајте во ролна. Повторете ја постапката додека не ги потрошите сите кори. Свитканите ролати наредете ги во тавче обложено со хартија за печење. Премачкајте ја питата со остатокот од смесата со јајца, наросете сусам и ставете да се пече на 200 степени, околу половина час.