Потребно:
За бисквитот:
- 85 гр брашно
- 40 гр какао
- 150 гр шеќер
- 1 ванилин шеќер
- 1/2 лажичка сода бикарбона
- 1/2 лажичка прашок за печиво
- Прстофат сол
- 1 дл јогурт
- 1 дл ладно кафе
- 1/2 дл масло
- 1 јајце
За кремот:
- 1 л сок од портокал
- 3 кесички пудинг од ванила
- 6 лажици шеќер
- 1⁄2 кесичка желатин
За глазурата:
- 75 гр чоколадо за готвење
- 40 гр путер
- 1 лажица масло
Подготовка: Во сад убаво измешајте ги сувите состојки за бисквитот, додајте ги влажните состојки и измешајте со дрвена лажица за да добиете еднолична смеса. На дното на калап за торта или колач ставете хартија за печење и истурете ја смесата. Печете 30 минути на 180 °C. Проверете со чепкалка за заби дали е готово. Прашокот за пудинг од ванила измешајте го со шеќерот и желатинот. Постепено додавајте 200 мл од сокот од портокал и мешајте додека не исчезнат грутките. Остатокот од сокот од портокал ставете го на рингла. Потоа додадете ја смесата од сок и пудинг, и варете заедно 2-3 минути откако ќе почне да врие. Истурете врз ладниот бисквит и добро протресете за да се израмни смесата. Чоколадото, путерот и маслото растопете ги на пареа и прелијте врз оладениот колач. Оставете го да се излади во фрижидер. Добар апетит!
