РЕЦЕПТ НА ДЕНОТ: Супа од грашок

Овој рецепт за супа е избор кога бебето е над 10 месечна возраст. Може да се подготви од свеж, но и од замрзант грашок.

Потребно:

  • Една шолја сварен грашок
  • Помал кромид
  • Еден компир (средна големина)
  • Чешне лук (по избор)
  • Една лажица маслиново масло
  • Две лажици павлака за готвење

Подготовка: Кромидот и лукот пржете ги на маслото околу 10 минути. Излупете го компирот и исечкајте го на коцки. Додадете го компирот и сварениот грашок во тавата кај кромидот и лукот. Додадете две шолји вода и оставете да се динстува 15-20 минути, со затворен капак. Процедете го зеленчукот и изблендирајте го. Вратете го пирето во супата и ставете ја павлаката.